كنال تطوان / الكاتبة : ياسمينة الصبيحي
مباشرة بعد انهـــاء فريضة صلاة العشاء بمسجد الأمة بمدينة تطوان، يوم السبت 27 مــاي 2017، دخـــل أئمة المسجد في شجار وخلاف حـــاد .. مما خلق توثرا داخـــل بــيــت الله.
وحسب مراسل القناة الاخبارية كنال تطوان من عين المكان، فان السبب يعود إلى خلاف نشب بين الإمام المسن “اليزيـــد” الذي أصبح عاجزا عن أداء صلاة التراويح لوحده، وطالب للقرآن في مقتبل العمر قــدم به سكان الحي لمساعدة الإمام “اليزيد” على أداء صلاة التراويح، وبعد انتهاء فريض العشاء تقدم الشاب لتأدية صلاة التراويح بالمصلين إلا أن الإمام الرسمي رفض الأمر جملة وتفصيلا ، وتطورت الأوضــاع داخل المسجد ليتحول إلى حلبة صراع، وقد تدخل بعض المحسنين لحل المعضلة وتسوية الخلاف إلا أن الأمر خرج عن السيطرة.
وفي نهاية المطاف تدخل رئيس المنطقة الامنية لتطوان السيد “القادوري” الذي قام بتهدئة الأوضـــاع وإعادة الأمور إلـــى مجراهـــا الطبيعــي .
وقد انسحب عدد كبير من المصلين من المسجد، وخلفت هذه الحادثة في اليوم الاول من شهر رمضان المبارك استياءا كبيرا في نفوس المواطنين، وطالبوا من المكلفين بالشأن الديني بالتدخل لحل هذه المشاكل التي تفسد الجو الروحاني لهذا الشهر الفاضل .
الكاتبة : ياسمينة الصبيحي
فيديو :
https://www.youtube.com/watch?v=USThHyjHJMM
*
هنيئا لمتابعي القناة الاخبارية كنال تطوان المركز الأول 1 :
Lahawla wla 9wat ila bilah
أولا تحية طيبة لقناتنا الأولى كنال تطوان
“شاعلة في مسجد الأمة … هادشي لي ما بغيناشي أ السي اليازيد ! ”
السي اليزيد الغزال هو الإمام د المسجد د الحومة ديانا … عندو معانا في المسجد 27 سنة … السيد تبارك الله ضابط القرآن مزيان … ساكن في التوتة و كيصلي بنا في الأمة.
في الحي ديانا تشكلت واحد المجموعة د الناس مختورين من الحي نيت فيهم اساتذة و موظفين جمعو المساهمات من عند الناس و صلحو المسجد اصلاحات كبيرة و كبيرة بزاف … الله يجازيهم بخير .
اثناء و بعد الاصلاحات … فكرو هاد المشرفين على الاصلاح د المسجد أنهم في رمضان يطلبو شي طالب قرآني من النظارة يتعاون مع السي اليزيد فقط في التراويح … شافو الناس د الحي ديانا في رمضان كل واحد فاين كيصلي … شي في الباربوري شي في كويلمة شي في جبل درسة … و السي اليزيد كيبقى بواحدو في المسجد و معه الناس كبارين و صافي اما الشباب قليل او منعدم قالو نجيبو شي طالب قراني يتعاون معه في التراويح ،و السي اليزيد يبقى معانا نيت، يعاونو غير في التراويح و صافي … عدلو عريضة في الحي كلشي وقع بلا تردد … جبرو الناس عطشانة و كلشي كان حشمان يهضار … خصوصا ان السي اليزيد بدا شوية كيكبر و بدا كيخطى شوية في التلاوة … و المشكل كيكون كيقرا اذا صححتيلو في الصلاة كيقلك “وا سمعتك ولا” و احيانا واخا تصححلو مايديهاشي فيك و مورا الصلاة كيبدا يسب … المهم كيعمل حالة في المسجد كل رمضان ..
هاد العام الناس عدلو عريضة كيف قلت و دفعوها و الطلب ديالوم مرفوق بالعريضة تقبل و جابو الطالب القرآني واحد الشاب واعر و سمعولو الناس د الحي و عجبوم بزاف .. بقى لينا غير نهضرو مع اليزيد … لكن السي اليزيد رفض رفضا قاطعا و قالوم والله لا دخل معايا ي واحد هنايا لهاد المحراب … هذا المحراب دياااالي !
الناس عياو ما يحاولو يقنعوه … واالو … عيطولو من النظارة اقتنع و وافق و قال صافي خصوصا ان الناس د الحي قالولو غيعطيواه البركة زايدة في ليلة القدر و يمكن يسردوه للعمرة يتبرع … المهم وافق و قالوم جيبوه صافي … البارح الجمعة في الليل مورا العشا الطالب بغى يقرا بهم في التراويح قالو اليزيد فين ماشي أ السي … قالو نصلي … قالو سير بحالك سير نتا حماااق !
واجي تشوف الروينة في المسجد كلشي ناض يقنع اليزيد … اليزيد دخال للمحراب و قالوم والله لا خرجت من هنايا هههههه المهم تلغاو التراويح و مشى كلشي فحالو و رجع الحديث في الحي على السي اليزيد !
لكن اليوم كانت روينة جديدة و قربالة كبيرة بزاااف و جا المخزن بكثرة !
ليوما مورا العشا جا الفقي الجديد و جاو الناس د الحي باش يدخلوه بالزز … اليزيد طار في السما قالوم والله لا صلى بكم انا لي غنصلي بكم من غيري وااالو … ناضو ليلو الناس د الحي … تدخال المخزن بكثرة خافو تتكرر الروينة د الحسيمة … بغاو يقنعو الفقي وااالو … قالوم انا لي غنصلي بهم رمضان كاااامل … المخزن باش مادوقعشي شي روينة هزوه في السيارة و مشاو به… و تحرمنا حنا من التراويح للمرة الثانية على التوالي !
و السبب قسوحية الراس د اليزيد !
علاش أ السي اليزيد معذبنا هايدة ؟ دوزنا معك سنين و سنين … و راك باقي معانا مرحبا بك … لكن علاش ماتخليشي هاد الشاب يعاونك يقرا معك و حنا نصليو تماك بلا مانمشيو لكويلما و البربوري ؟
ياك النبي ديانا قال للصحابي قرا عليا نسمع منك و الصحابي حشم و رفض و رسول الله لح عليه باش يقرا … ياك من الباب د التواضع خصك تفسح للفقي و تقدمو يقرا ولا ؟
كيفاش ممنوع يقرب ليك شي واحد و نتا غتصلي بنا بالزز رمضان كامل ؟ ماشي حشومة عليك ؟
الله يهديه و يرجعو للطريق و السلام …
هادي هي القصة د اليزيد بلا زيادة ولا نقصان … كنكتبا للناس لي مهتمة بالموضوع واخا عييت نتهرب من الكتابة على هاد الموضوع … الله يهديه و السلام .
-آدم ولد حي مسجد الامة-
الله يعطيك الصحة ويتقبل منك التوضيح. قصة راءعة.وشكرا
بسالة هي اللي عملو فجامع تبهديلة ناس مكملاتشي صلاة ديالا قالك فقيه شارف الناس مكتحشمشي على وجها رجعو خصوم غير فتنة
لاحولا ولاقوة الى بالله العلي العظيم هذا هو المنكر الكبير ملي بداو حتى المساجد مكيحترمهمشي صااافي دنيا مبقا فيها ميتسمع الله يهدينا على بعضنا
الانسان كل ما كبر في السين كيزيد في التعنت الحقد يا ربي السلامة رجل كبار في السن صفي اصلي لعشلا ويفتح المجال لي الشباب اصلو الترويح
اهربو من المشامل بقدري ما استطعتم
من المشاكل الصغيرة تتحول كبيرة
والدنيا ولات كدخوف
ادا في كل حدث عليكا بالصبر وتخطي المشاكل
والله يهدينا علي بعدنا
لا حول ولاقوةبالله ما هذا العار ماهذه الوقاحة الغيرة و الحسد بلغت الى قلب الامام اين المسؤولين عليهم التدخل واتخاذ الاجراءات الصارمة حتى يكون عبرة للاخرين كان هلى. الامام ان يقتسم ركعات التراويح ففتي /ففتي ويحسبه سطاج ما شي نهار اول في رمضان في بيت الله والصراع قائم الغيرةوالحسد والكع اعمى قلب الامام
الاخوان رمضان مبارك كريم وكل عام وانتم بالف خير تحية حارة لقناة تطوان وشكرا على مجهوداتك الجبارة وبعد،اشعر بالغبن والتذمر جراء تلاوة ذلك الشيخ الكهل تلاوته بشعة يسيطر في المسجد كيفما شاء
السي اليزيد من خيرة الأئمة علينا أن نبحث عن أهل الدين والأخلاق والمروءة وليس أصحاب الأصوات اتقوا الله يا مسلمين فالمساجد لها حرمتها وقدسيتها وأهل القرآن هم أهل الله لقد ظلمتم السي اليزيد ودعوة المظلوم لا ترد
sara7a si lyazaid lah ijizih bi5ire mensererna wihna ne3rfoh flmasejid dl7awoma wofi3lan kbre fsin wohwo robama kai9ol hada mchi razae dalu ihe wa7id widilii lmakan dyali lah ihdihommmmm wofahmoh blati hiya ahsan woitda5lo nade kbare wob3e9olhomm
المخزن هو الذي يجب ان يتدخل ويحل المشكل الاغلبية تقرر وانا كابن الحي اعتبره ليس مشكل عويص غير المخزن يشرح للامام تقبل الفكرة وبلا غنان خاصة داخل بيت الله
لم أعد اعرف شيءا الشجار القتال الفتنة البغض الحسد ،،… هذا ما يجتهد فيه المسلمون // عفوا بعض المسلمين
Wach 3omarkom xofto 1 insan 9ari 9or2an 100% ohowa jahl mkela5 7mar 7axakom wa howa hada anani 5so lli y7xih fxi bir oyebni 3lih 3la 9so7iyat raso
لا حول ولا قوة الا بالله
هذا خايف بلاك يشرك معاه شي حد في داك التبرعات راه كلشي ولا طماع, القضية فيها لفلوس, إذا قلتو لو غدي تصلي بالناس في سبيل الله راه ميزيد تماك ولا دقيقة…المساجد ديال المغرب هذا حالها عبارة عن محلات للبيع والشراء…واش مثل هذا الإمام غدي يصلح الناس أو غدي تاخد من عنده شي موعضة حسنة…لا حول ولا قوة الا بالله العلي العظيم…
قال رسول الله محمد عليه الصلاة و السلام:اقرؤوا القران قبل ان يقراه قوم يقيمونه كما يقام السهم، يتعجلون اجره و لا يتاجلونه.
و قال ايضا عليه الصلاة و السلام: من قرا القران يتاكل به الناس جاء يوم القيامة ووجهه عظم ليس عليه لحم
و قال ايضا عليه الصلاة و السلام : اقرؤوا القران و اسالوا الله به، فان من بعدكم قوما يقرؤون القران يسالون به الناس
و قال ايضا عليه الصلاة والسلام: اقرؤوا القران ولا تغلوا فيه ولا تجفوا عنه ولا تاكلوا به ولا تستكثروا به
قال تعالى في الحديث القدسي: انا اغنى الشركاء عن الشرك ، من عمل عملا اشرك فيه معي غيري تركته و شركه
قال تعالى في كتابه العزيز: ولا تاكلوا اموالكم بينكم بالباطل
واخيرا و ليس اخرا، قال الرسول الكريم : جنبوا مساجدكم صبيانكم و مجانينكم
انا شويا مصطي عليها ما كنمشيش لبيت الله
و المصطي خصو الرعاية سواء في الدار او في الشارع العام. عاونوا المشردين في رمضان على الاقل بلي كتب الله. قال الرسول الاكرم: ولا تحقرن من المعروف شيءا.اتقوا الله ولو بشق تمرة.هاذ الفءة كتعاني في صمت