https://www.facebook.com/MoroccoTravelAgencySARL

قصيدة جميلة مهداة لعشاق فريق المغرب التطواني

كنال تطوان / بقلم : كريمة العاقل

لو سألتو واش باقي
شي روح رياضية؟
نجاوبكم ايه.اجيوا للكرة التطوانية
تخبركم بنفسا كيف هي؟
اجو عندنا وشوفوا المغرب
التطواني
ولونو الحمرا والبيضا بهجة
ما تغفا على عيني
عتلقاو روحهم شباب عالية
وكلهم لتطوان مخلصين نية
وقلوبهم لكرة القدم صافية
وما احلاها ميزة في المغرب التطواني
وهذا ماشي غير كلامي
اسأل واسأل عتزيد تسمع
من اول وتاني…
كلام ينور الملعب بشعلة
التفاني
وتشجيعات تخضر الاماني
كلها بلسان تطواني
يا شبابنا ويا فريقنا
المغرب التطواني
لعبو لكرة بكل مهارة
زيدو للقدام بهمة وشطارة
راه الكرة كلها روح رياضية
واذا كانت تطوانية طبعا
عتشوفو الاخلاق والروح الشبابية
و عليهم ماشي غريبة
راه تربيتهم تطوانية
اصالة و روح اندلسية
اما جمهورو جمهور عريق
يشجعوا بكل تفاني
يا كان قريب أو بعيد يخبرو لعشقو للكرة
ويوقلو ماننساك يا المغرب التطواني
ف دمي وعروقي تسري
و بلفرحة أمانة لا تنساني
ولو تسجلت اصابة شوف لعراس
تتقام ايام وليالي
سهرات واغاني
لا بلا منقلك يا السائل كلشي دابا
نخليك تجي وتشوف بعينك
وتقول كانت على حق مولات الاجابا
زيدو يا لمغرب التطواني للقدام
زيدو يا فريقنا ديما للأمام
زيدو يا شبابنا بهمة وارادة عالية
راه لكرة كلها روح رياضية

كنال تطوان / كريمة العاقل

رأيان حول “قصيدة جميلة مهداة لعشاق فريق المغرب التطواني”

أضف تعليق

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.